02 дек 09:09
Янгиликлар

Бокс/ММА

Аслида Исроил Мадримов иштирокида ўтиши керак бўлган юлдузли жанг бекор қилинди

Яримўрта вазнда IBF чемпиони Жейрон Эннис (33-0, 29 КО) ҳамда биринчи яримўрта вазндаги Виржил Ортис (22-0, 21 КО) ўртасидаги эҳтимолий жанг бўйича музокаралар тўхтади.

Томонлар аввалига 22 февраль куни Ар-Риёддаги бокс оқшоми доирасида жанг қилишга келишиб олишганди. Бироқ жанг бекор қилинди, шу боисдан ташкилотчилар Ортисга янги рақиб излашни бошлашди.

Қайд этилишича, саудияликлар WBC ва WBО Interim камарлари соҳиби Себастьян Фундоранинг промоутери Самсон Левкович билан боғланган. Лекин у ўз мижозининг бошқа режалари борлигини айтган.

Эслатиб ўтамиз, промоутер Эдди Хирн Жейрон Эннисдан олдин Исроил Мадримовни Виржил Ортис билан жангни таклиф қилганди. Аммо Ортиснинг промоутери Оскар де ла Хойя мижози фақатгина Эннис билан жанг қилиши мумкинлигини айтиб, чақирувга рад жавобини берганди.