Асосий тўрга имтиёзли йўлланма билан қўйилган 18 ёшли Мбоко чемпион бўлди

Мусобақа бош соврини канадалик 18 ёшли Виктория Мбокога насиб этди. Финалга қадар WTA рейтингида 85-поғонадан жой олган канадалик бош соврин учун баҳсда дунёнинг собиқ биринчи ракеткаси, финал куни рейтингда 49-ўринда борган япониялик Наоми Осакани иродали тарзда мағлубиятга учратди - 2/6, 6/4, 6/1. 

Бу теннис маликаларининг ўзаро ўтказган илк учрашуви бўлди. Икки соату беш дақиқа давом этган баҳсда Мбоко 4, Осака 1 та эйс зарбасини амалга оширган. Қўшхатолар чемпионда сезиларли даражада кўп бўлди - 13 га 5. Брейклар бўйича устунлик ҳам табиийки, Виктория томонида - 8 га 6. 

Асосий тўрга имтиёзли wild card йўлланмаси сабаб қўйилган Виктория учун бу биринчи WTA чемпионлик соврини бўлди. У ушбу турнирнинг Белинда Бенчичдан кейинги иккинчи ёш чемпиони бўлди. Белинда 10 йил олдин ушбу турнирда бош совринга эга чиққанди. Мбоко - WTA 1000 турнирлари тарихидаги рейинги паст иккинчи чемпионга ҳам айланди. Бундан роппа-роса 20 йил олдин Ким Клийстерс Индиан-Уэллс 2005 турнирида чемпион бўлганида WTA рейтингида 133-ўринни эгаллаб турганди.