Асосий умидимиз – спорт курашчиларимиз қачон “бошлашади”?

Олимпиадалар тарихида шу пайтгача 5та олтин медални қўлга киритган бўлсак, шундан 4тасини ушбу спорт тури вакиллари тақдим этишган. Эркин кураш тарихига кирган ҳамюртимиз Артур Таймазов 4та Олимпиадада қатнашиб, 3та олтин ва битта кумуш медалга сазовор бўлган. Яна бир олтинни Александр Доктурашвили келтирган.

Табиийки, Рио Олимпиадасида ҳам биз эркин ва юнон-рум курашчиларга умид боғлаяпмиз. Рио-де-Жанейро гиламларида 4 нафар эркин, шунча юнон-рум курашчимиз медаллар учун баҳсларга киришади.

Эркин кураш баҳсларида Аббос Раҳмонов (57 кг), Ихтиёр Наврўзов (65 кг), Бекзод Абдураҳмонов (74 кг), Магомед Ибрагимов (97 кг), юнон-рум кураши баҳсларида эса Элмурот Тасмурадов (59 кг), Дилшод Турдиев (75 кг), Рустам Ассакалов (85 кг) ва Мўмин Абдуллаев (130 кг) ўз имкониятларини синовдан ўтказишади.

Кўпчиликни уларнинг қачон баҳсларга киришиши қизиқтириши табиий. Қуйида эътиборингизга ҳар икки йўналиш курашчиларимизнинг баҳсларда қатнашиш тақвимини ҳавола қиламиз.

ЮНОН-РУМ КУРАШИ:

14 август. Элмурот Тасмурадов (59 кг), Дилшод Турдиев (75 кг)

15 август. Рустам Ассакалов (85 кг), Мўмин Абдуллаев(130 кг)

ЭРКИН КУРАШ:

19 август. Аббос Раҳмонов (57 кг), Бекзод Абдураҳмонов (74 кг)

21 август. Ихтиёр Наврўзов (65 кг), Магомед Ибрагимов (97 кг)