29 июн 13:51
Янгиликлар

Бокс/ММА

Асу Алмабаев UFC’да ноёб ютуққа эришди

Қозоғистонлик энг енгил вазн тоифасидаги UFC жангчиси Асу Алмабаев 27 июнь куни Боку (Озарбайжон) шаҳрида ўтказилган турнирда америкалик Чарльз Жонсонни муддатидан олдин мағлуб этганди.

Асу учинчи раундда рақиб оёғига камдан-кам қўлланиладиган оғриқли усул - "растяжка Сулоева"ни амалга оширди. Бу билан Алмабаев UFC тарихида сабмишеннинг ушбу тури эвазига ғалаба қозонган тўртинчи жангчига айланди. Унгача Кенни Робертсон, Алжамайн Стерлинг ва Забит Магомедшарипов худди шу оғритиш усулида рақибларини таслим этганди.

Маълумот учун, мазкур усул 2002 йилда британиялик Пол Кахунни биринчи марта таслим бўлишга мажбур қилган арман-рус жангчиси Амар Сулоев шарафига шундай номланган. 2016 йилда Сулоев қотилликка суиқасд ва қотилликда гумон қилиниб, Россия тергов ҳибсхонасида саратон касаллигидан вафот этганди.