01 ноя 16:01
Янгиликлар

Бокс/ММА

Асу Алмабаев UFC’даги муҳим жангига йўл олди + ФОТО

Рамазон Темиров билан жанги амалга ошмай қолган қозоғистонлик UFC жангчиси Асу Алмабаев жамоаси билан бирга Доҳа шаҳрига жўнаб кетди.

Асу 22 ноябрь куни Қатар пойтахтида бўлиб ўтадиган UFC Fight Night турнирида чемпионлик камари учун собиқ даъвогар, америкалик Алекс Пересга қарши октагонга чиқади. Ушбу турнир Қатар тарихида UFC шафелигида ўтказилаётган илк мусобақа бўлади.

Алмабаев билан бирга Доҳага мураббийи Эдуард Базров, UFC жангчиси Алиби Идрис ҳамда MMA бўйича жаҳон чемпиони Санжар Адилов йўл олган. Идрис ва Адилов спарринг-шерик сифатида Асуга машғулотларда ёрдам беради.

Маълумот учун, Асу Алмабаев ММАда 22 ғалаба ва 3 мағлубият қайд этган. Тажрибали Алекс Перес ҳисобида эса 25 ғалаба ва 9 мағлубият бор. Рамазон Темиров ва Асу Алмабаев ўртасидаги жанг 26 июль куни Абу-Даби шаҳрида ўтказилиши керак эди. Афсуски, Рамазонда аниқланган допинг сабаб ушбу жанг бекор қилинганди.