Атлас Канелони мағлуб этиб, тарихга кириши керак бўлган боксчи кимлигини айтди

"Агарда Канело тарихдаги энг яхши мексикалик бўлишни, иккинчи ўрта вазндаги энг яхши боксчига айланишни истаса, Бенавидес билан жанг қилиши керак. У Бенавидесга қарши жанг қилиб, ўзининг даражасини намойиш қилиши лозим", - деди Атлас.

Бенавидес 26 ёшда. У 2013 йилдан буён профессионал тарзда жанглар ўтказади. 2017 йилнинг сентябрида у илк марта чемпион бўлиб, WBC камарини қўлга киритганди. Бироқ орадан кўп ўтмай у наркотик истеъмол қилгани учун бир йилда дисквалификация қилинганди.

2019 йилнинг сентябрида Бенавидес икки карра чемпионга айланганди. Бироқ у камарларни ҳимоя қила олмаган ва иккинчи ўрта вазн лимитидан (76,2 кг) ўтиб кетганди.