03 фев 13:57
Янгиликлар

Футбол

"Атлетико" ҳужумчи сотиб олганини эълон қилди

Нигериялик ҳужумчи Адемола Лукман фаолиятини Испанияда давом эттирадиган бўлди.

Мадриднинг "Атлетико" клуби "Аталанта"нинг 28 ёшли футболчиси трансферини расман тасдиқлади.

Томонлар 2030 йилнинг июнигача амал қиладиган шартнома имзолашди. Аввалроқ тарқалган хабарларга кўра, мадридликлар ушбу трансфер учун Бергамо клубига 35 миллион евро тўлашади, шунингдек, шартномада яна 5 миллион евро миқдоридаги бонуслар ҳам кўзда тутилган.

Маълумот учун, Лукман А Сериянинг жорий мавсумида 12 та ўйинда майдонга тушиб, 2 та гол уришга эришган эди. Энди у Симеоне қўл остида ўз маҳоратини намойиш этади.