08 янв 17:52
Янгиликлар

Футбол

"Атлетико" Шомуродовнинг жамоадошига қизиқмоқда

Диего Симеоне жамоаси "Кальяри" ярим ҳимоячиси Наитан Нандесни кузатиб бормоқда.

Италиянинг "Кальяри" клуби ярим ҳимоячиси Наитан Нандесга Мадриднинг "Атлетико"сидан қизиқиш мавжуд, деб хабар берди "Mística Uruguaya".

Хабар қилинишича, 28 ёшли уругвайлик футболчининг атрофидагилар "Атлетико"нинг қизиқишларини тасдиқлашган, улар Уругвай терма жамоаси ярим ҳимоячиси учун "Интер" билан рақобатлашиши керак. Наитан Нандес жорий мавсум "Кальяри" сафида 16 та ўйинда майдонга тушиб, 1 та гол урди ва 1 та голли пас узатди.

Маълумот учун, "Кальяри" жамоасида Ўзбекистон МТЖ сардори Элдор Шомуродов ижара асосида тўп тепади. У жорий мавсум 13 та ўйинда қатнашиб, 2 та голга ассистентлик қилди. Ҳозирда ҳужумчи миллий терма жамоа билан Қатарда бўлиб турибди, аммо жароҳати боис якуний қайдномадан тушиб қолиши мумкин.