12 ноя 12:37
Янгиликлар

Теннис

ATP Finals. Карлос Алькаразда кутилмаган мағлубият

Дунёнинг учинчи ракеткаси Карлос Алькараз Туринда давом этаётган ATP Якуний турниридаги иштирокини мағлубият билан бошлади.

Испаниялик теннисчи гуруҳ босқичининг илк учрашувида ATP рейтингида еттинчи ўринни эгаллаб турган норвегиялик Каспер Руудга имкониятни бой бериб қўйди - 1/6, 5/7. Каспер фаолиятида илк бор Алькаразни таслим эта олди - 1:4. Бунгача ўтказилган 4 та учрашувнинг барчасида испан теннисчиси зафар қучганди.

Саксон олти дақиқа давом этган баҳсда Алькараз 4, Рууд 5 та эйс зарбасини амалга оширган. Брейклар бўйича устунлик Каспер томонида бўлди - 4 га 1. Норвегиялик теннисчи Жон Ньюкомб гуруҳи пешқадамига айланиб олди.