15 ноя 13:42
Янгиликлар

Теннис

ATP Finals. Янник Синнер гуруҳ ғолиби сифатида 1/2 финалга чиқди

Дунёнинг иккинчи ракеткаси Янник Синнер Италиянинг Турин шаҳрида давом этаётган теннис бўйича йилнинг Якуний ATP турнирида муваффақиятли одимламоқда.

Италиялик иқтидор эгаси гуруҳ босқичининг сўнгги учрашувида ATP рейтингида 5-ўринни эгаллаб турган америкалик Бен Шелтонни қийинчилик билан мағлубятга учратди - 6/3, 7/6(3). Теннисчиларнинг ўзаро учрашувларида Янник катта фарқ билан етакчилик қилмоқда - 8:1.

Тўқсон беш дақиқа давом этган баҳсда Синнер 11, Шелтон 6 та эйс зарбасини амалга оширган. 24 ёшли Янник ATP Finals 1/2 финалига гуруҳ ғолиби сифатида йўл олди. У финал чиптаси учун австралиялик Алекс де Минаурга қарши кортга чиқади. Шелтон эса гуруҳ босқичидаги барча уч учрашувда мағлубият аламини тотиб кўрди.