ATP рейтинги. Бунақаси кам бўлади - 8 теннисчимизнинг бари кўтарилди

Эътиборлиси, янгиланган рейтингдан ўрин олган 8 нафар теннисчимизнинг бари жадвалда кўтарилишга муваффақ бўлди. Мамлакатимизнинг биринчи ракеткаси Ҳумоюн Султонов қўлга киритилган 4 очко эвазига 13 поғонага юқорилаб, 382-ўринда қайд этилди. Иккинчи раккеткамиз Сергей Фомин 3, учинчи ракеткамиз Максим Шин 3, Амир Милушев 5, Батир Сапаев 8, Илья Игнатов 13, Абдулазиз Усмонжонов 13, Дамир Абдусамадов эса 10 поғонага кўтарилб олган. 

Дунё теннисчиларининг Топ-10`талигида ҳам бир нечта ўзгариш кузатилди. Австралиялик Алекс де Минаур ва америкалик Бен Шелтон ўзаро жой алмашиб олишди. Норвегиялик Каспер Рууд ва канадалик Феликс Ожье яна Топ-10`таликка қайтди. Испаниялик Карлос Алькарас ҳамон рейтинг пешқадами бўлиб турибди. Вена турнирида чемпион бўлган Янник Синнер қўлга киритилган 500 очко эвазига Карлосга анча яқинлашиб олди.   

ATP рейтинги. 27 октябрь кун ҳолатига кўра Топ-10:

1. (1) Карлос Алькарас (Испания) - 11 340 очко

2. (2) Янник Синнер (Италия) - 10 500 (+500)

3. (3) Александр Зверев (Германия) - 6160 (+230)

4. (4) Тэйлор Фриц (АҚШ) - 4685 (+40)

5. (5) Новак Жокович (Сербия) - 4580 

6. (7) Алекс де Минаур (Австралия) - 3935 

7. (6) Бен Шелтон (АҚШ) - 3820 (-280)

8. (8) Лоренцо Музетти (Италия) - 3685 

9. (11) Каспер Рууд (Норвегия) - 3235 (+90)

10. (12) Феликс Ожье (Канада) - 3195 (+50)…

Ўзбекистонлик теннисчиларнинг АТР рейтингидаги ўрни:

382 (401). Ҳумоюн Султонов - 126 (+4 очко) 

462 (465). Сергей Фомин - 88 (+1)

982 (985). Максим Шин - 16 

1340Т (1345Т). Амир Милушев - 5

1812Т (1820Т). Ботир Сапаев - 1   

1904Т (1917Т). Илья Игнатов - 1 

1904Т (1917Т). Абдулазиз Усмонжонов - 1

1987Т (1997Т). Дамир Абдусамадов - 1