ATP рейтинги. Иккинчи ракетка ўзгарди, Султонов 16, Фомин 21 поғонага кўтарилди

Икки ҳафта давом этган Майами "Мастерс" турнири сабаб 25 март куни рейтинг янгиланмаган эди. Бу ҳафта дунё теннисчилари кучли ўнталигида иккита асосий ўзгариш кузатилди. Майамида чемпион бўлган италиялик Янник Синнер фаолиятида илк бор дунёнинг иккинчи ракеткасига айланди. Испаниялик Карлос Алькараз эса аксинча учинчи ўринга пастлади. Вице-чемпион Григор Димитров 12-поғонадан 9-ўринга кўтарилиб олди. Австралиялик Алекс Де Минаур Топ-10`ни тарк этди.

Мамлакатимизнинг биринчи ракеткаси Ҳумоюн Султонов бундан аввалги ҳафтада Чандигарҳ турнирида чемпион бўлганди. Ўша чемпионлик 12 очкоси қўшилгани боис, ҳамюртимиз 16 поғона юқорилаб, 315-ўринни эгаллаб турибди. Иккинчи ракеткамиз Сергей Фомин 21 поғонага кўтарилиб, ҳозирда 653-ўринни банд этган. Унинг очколари 4 тага кўпайган. Аксинча, Амир Милушув 20, Максим Шин 15, Денис Истомин эса 5 поғонага пастлади. 

ATP рейтинги. 1 апрель ҳолатига кўра Топ-10:

1. (1) Новак Жокович (Сербия) - 9725 очко 

2. (3) Янник Синнер (Италия) - 8710 (+400 очко)

3. (2) Карлос Алькараз (Испания) - 8645 (-160 очко)

4. (4) Даниил Медведев (Россия) - 7165 (-600 очко)

5. (5) Александр Зверев (Германия) - 5415 (+355 очко)

6. (6) Андрей Рублёв (Россия) - 4890 (-80 очко)

7. (7) Хольгер Руне (Дания) - 3795 (-80 очко)

8. (8) Каспер Рууд (Норвегия) - 3615 (+55 очко)

9. (12) Григор Димитров (Болгария) - 3540 (+605 очко)

10. (9) Хуберт Гуркач (Польша) - 3425 (+55 очко)

Ўзбекистонлик теннисчиларнинг АТР рейтингидаги ўрни:

315 (331). Ҳумоюн Султонов - 169 (+12 очко)

653. (674). Сергей Фомин - 50 (+4 очко)

1297Т. (1282Т). Максим Шин - 5 

1507Т (1502T). Денис Истомин - 2

1638Т (1618T). Амир Милушев - 2