ATP рейтинги. Теннисчиларимизнинг бу ҳафта учун ўринлари қандай?

Янгиланган рейтингдан 7 нафар теннисчимиз жой олган. Мамлакатимизнинг биринчи ракеткаси Ҳумоюн Султонов ўтган ҳафтадаги ўрнига нисбатан 3 поғона юқорилаб, айни пайтда 294-ўриндан жой олган. Афсуски, қолган барча теннисчиларимиз рейтингда пастлашди. Иккинчи рақамли теннисчимиз Сергей Фомин 3, учинчи ракеткамиз Максим Шин 13, Амир Милушев 9, Ботир Сапаев 14, Абдулазиз Усмонжонов 8, Дамир Абдусамадов эса 73 ўринга қуйига шўнғиган.

Дунё теннисчиларининг Топ-10`талигида битта ўзгариш кузатилди. Россиялик Карен Хачанов яна Топ-10`таликка қайтиб, 9-ўринга жойлашди. Қолган теннис юлдузлари ўтган ҳафтадаги ўз ўринларини сақлаб қолишди. Италиялик Янник Синнер катта фарқ билан пешқадамлигини давом эттирмоқда. Фақат у 550 очко йўқотди. Иккинчи ўриндаги испаниялик Карлос Алькараз эса аксинча, ҳисобига 650 очко қўшиб олишга муваффақ бўлди. Германиялик Александр Зверев кучли учликни якунлаб берган.

ATP рейтинги. 18 август ҳолатига кўра Топ-10:

1 (1) Янник Синнер (Италия) - 11 480

2 (2) Карлос Алькарас (Испания) - 9 240

3 (3) Александр Зверев (Германия) - 6230

4 (4) Тэйлор Фритц (АҚШ) - 5575

5 (5) Жек Дрэйпер (Буюк Британия) - 4440

6 (6) Бен Шелтон (АҚШ) - 4280

7 (7) Новак Жокович (Сербия) - 4130

8 (8) Алекс Де Минаур (Австралия) - 3545

9 (12) Карен Хачанов (Россия) - 3240

10 (10) Лоренцо Музетти (Италия) - 3235

Ўзбекистонлик теннисчиларнинг АТР рейтингидаги ўрни:

294 (297). Ҳумоюн Султонов - 176 

481 (478). Сергей Фомин - 86 (+1)

1017 (1004). Максим Шин - 14 

1269Т (1260Т) Амир Милушев - 6 

1802Т (1788Т). Ботир Сапаев - 1   

1890Т (1882Т) Абдулазиз Усмонжонов - 1

2059Т (1986Т). Дамир Абдусамадов - 1