23 янв 10:52
Янгиликлар

Теннис

Australian Open. Гарбин Мугурусанинг юриши давом этади

Мельбурн шаҳри мезбонлик қилаётган теннис бўйича Австралия Очиқ чемпионати ўзининг қизғин палласига кириб боряпти.

Аёллар ўртасидаги баҳсларда иккинчи давра учрашувлари ўтказиляпти. Дунёнинг 32- ракеткаси Гарбин Мугуруса бу босқичда WTA рейтингида 52-поғонадан жой олган австралиялик Айла Томляновичга қарши баҳс олиб борди.

Икки соату 23 дақиқа давом этган учрашув якунида Гарбин рақибасини 6/3, 3/6, 6/3 ҳисобларида мағлуб этди. Бу теннисчиларнинг ўзаро ўтказган иккинчи учрашуви эди - 1:1. Энди 26 ёшли Мугуруса украиналик Элина Свитолина ёки америкалик Лорен Дэвисга қарши кортга чиқади.