25 янв 15:35
Янгиликлар

Теннис

Australian Open. Жуфтликда финалчилар аниқланди, улар орасида 44 ёшли теннисчи ҳам бор

Мельбурн шаҳрида ўтказилаётган Australian Open турнирининг жуфтликлар баҳсида финал иштирокчилари маълум бўлди.

Ярим финалнинг илк учрашувида турнирда иккинчи рақам остида таснифланган жуфтлик - ҳиндистонлик 44 ёшли Рохан Бопанна ҳамда австралиялик Мэттью Эбден чехиялик Томаш Махач ва хитойлик Чжичжен Чжан ҳамкорлигини мағлуб этди - 6/3, 3/6, 7/6(10:7).

Иккинчи ярим финалда эса италияликлар Симоне Болелли ва Андреа Вавассори германиялик ҳамкасблари Янник Ганфманн ҳамда Доминик Кёпфер тандемидан устун келишди - 6/3, 3/6, 7/6(10:5). Финал шанба куни бўлиб ўтади.