Australian Open. Тим рейтингда Рожер Федерердан ўзиб кетиши мумкин

Эркаклар ва аёллар ўртасидаги яккалик баҳсларида финал учрашуви иштирокчилари маълум бўлиб улгурган. Австриялик теннисчи Доминик Тим бош соврин учун кечадиган баҳсда сербиялик Новак Жоковичга қарши кортга чиқади. 

Агар финалда Тим номдор рақибини мағлуб эта олса, у ҳолда айнан ярим финалда Жоковичга ютқазган швейцариялик Рожер Федерерни рейтингда ортда қолдиради. Мабодо Новак ғалаба қозонгудек бўлса, унда унинг ўзи Надални ортда қолдирган ҳолда рейтинг пешқадамига айланиб олади. 

Бу галги финал Доминик Тим учун фаолиятидаги "Катта Дубулға" турнирларидаги учинчи финал бўлади. Тим бош совринга эга чиқса дунёнинг учинчи, мағлубиятга учраса, тўртинчи ракеткасига айланади. Ҳар қандай ҳолатда ҳам рейтингда ўсишга эришади.