Авлодларга ўрнак, юзлаб чемпионлар устози Рустам Тўраев нафақага кузатилди!

Тантанали тадбирда Ўзбекистон Республикаси Спорт вазири ўринбосари Шахрилло Маҳмудов, Бухоро вилояти спорт бошқармаси бошлиғи У.Наджимидинов, Вилоят дзюдо федерацияси ижрочи директори Шуҳрат Очилов ҳамда мактаб-интернат жамоаси иштирок этди. Рустам Тўраевга спортни ривожлантириш йўлидаги узоқ йиллик хизматлари учун Вазирлик ва ҳокимлик томонидан ташаккурнома ҳамда қимматбаҳо совғалар топширилди.

Мураббийлик фаолияти давомида олимпиада ва жаҳон чемпионатлари совриндорларини тарбиялаган, миллий спортимизга улкан ҳисса қўшган фахрий устозга самимий миннатдорлик билдирилди. Унинг ҳаёт йўли ва тажрибаси ёш авлод учун ўрнак бўлиши таъкидланди.

Ўзбекистон дзюдо федерацияси Ришод Собировдек Олимпия ўйинларининг уч карра совриндорини етиштириб берган Олот дзюдо мактаби асосчиси Рустам Тўраевга узоқ умр, сиҳат-саломатлик тилайди. Устоз ҳеч қаерга кетганлари йўқ, улар узоқ йиллик бой тажрибаларини ёш авлодга улашишда давом этадилар.