07 июл 15:58
Янгиликлар

Бокс/ММА

Австралиялик "нокаутчи" Теремоана Жуниорнинг кейинги жанги аниқ бўлди

Теглар : Теремоана Теремоана Теремоана Жуниор

Австралиялик истиқболли супер оғир вазнли боксчи Теремоана Жуниор Леон Теремоана ўзининг навбатдаги жангини 12 август куни Австралиянинг Голд-Кост шаҳрида ўтказади.

У бу гал америкалик ДеАндре Саважга қарши рингга кўтарилади.

Жанг 10 раундга мўлжалланган бўлиб, Matchroom Boxing промоутерлик компанияси ташкил этаётган бокс оқшомининг марказий баҳси сифатида ўтказилади.

Теремоана ҳозирга қадар профессионал фаолиятида 11 та жанг ўтказиб, уларнинг барчасида ғалаба қозонган. Эътиборлиси, австралиялик боксчи ғалабаларининг барчасини нокаут билан расмийлаштирган. У сўнгги жангида тажрибали ҳамюрти Боуи Тупоуни биринчи раунднинг ўзида мағлубиятга учратган эди.

ДеАндре Саваж ҳам профессионал фаолияти давомида 12 та жанг ўтказиб, 11 тасида ғалаба қозонган ва уларнинг барчасини муддатидан аввал якунлаган.