Австрия ва Швейцария қўшҳоким, Ўзбекистон эса...

Мусобақанинг икки кунлик натижаларига кўра, Австрия терма жамоаси медаллар жамғариш бўйича умумжамоа ҳисобида 1-ўринга кўтарилиб олди. Улар ҳисобида 2 та олтин ва 1 та кумуш медали бор. Худди шунча медалга Швейцария терма жамоаси ҳам эга бўлиб турибди. Кучли учликка мезбонлар якун ясашган. Тожикистон терма жамоаси 1 та олтин, 2 та кумуш, 1 та бронза медалига эга бўлиб турибди. 

Кучли ўнталикдан Мўғулистон, Япония, Туркманистон, Канада, Қозоғистон, Хорватия, Франция терма жамоалари жой олган. Етакчи дзюдочиларимизсиз иштирок этаётган терма жамоамиз Муҳаммад Жумаевнинг бронза медали эвазига иштирокчи 64 давлат орасида 12-ўринга кўтарилиб олди. Биздан кейинги ўринларни Италия, Буюк Британия, Грузия, Корея Республикаси, Испания, Бразилия каби етакчи давлатлар банд этган.