"Аввалига тўнашмоқчи эди, якунда чойчақа ташлаб кетишди". Заррух Адашев Нью-Йоркда таксичилик қилгани ҳақида гапирди

У 2012 йилда АҚШга кўчиб борган. 

"Бир сафар мени тўнашмоқчи бўлишган, якунда эса белгиланган пулдан ҳам кўпроқ ташлаб кетишган. Шундай бўлганди: Мен хавфли, безорилар яшайдиган жойга бориб қолдим. Одатда ҳайдовчилар шундай дейишарди: "Яхшиси у ерга борганда дастурни ўчириб қўй ва у ердан жўнаб қол".

Менга мижозлар чиқишди: "Ўзим билан оламан, пул бўлади". Улар кўча йигитлари эканлиги кўриниб турганди. Машинага чиққандан сўнг бепул етиб олмоқчи бўлишди ва ҳисоблагични ўчириб қўйишимни исташди. Таҳдид қила бошлашди. Мен спортчи бўлсамда, озгина қўрқув бўлди. Аҳир бегона жойда бир ўзимман. Мен қўлимга телефонни олдим ва машинадан тушиб қўнғироқ қила бошладим. Улар эса "Тўхта-тўхта, ҳисоблагични ўчириш шарт эмас" дейишди. Биз яна йўлда давом этдик. 

Менда доимо суратларим илинган карточка бўларди ва уни машинанинг кўринадиган жойига илиб қўйгандим. Доимо зал очишни орзу қилардим ва шу орқали мижозларни ҳам шуғулланишга таклиф қилишни истардим. Зал очиш режаси доим бўлган. 

Йўловчилардан бири сўради: "Сенинг суратингми? Жанг қиласанми?". Шунда мен жанг қилишимни айтдим ва ўз жангларим ҳақида гапириб бердим. Улар эса UFC томоша қилишар экан. Шунда сўрашди: "Жон Жонсни биласанми? У менинг энг севимли спортчим". Уларни манзилга етказиб қўйдим. Пулни беришди ва қўшимча 20 доллар чойчақа ҳам ташлаб кетишди",-деди Адашев "Спорт-Экспресс"га берган интервьюсида.