Аёллар кураши. Набира Есенбаева Осиё вице-чемпиони

Кеча турнир доирасида аёллар кураши бўйича баҳслар бўлиб ўтди. Беллашувларда уч нафар спортчимизда медаль олиш учун имконият бор эканлиги ҳақида хабар қилгандик. Афсуски, икки спортчимиз бронза учун баҳсларда имкониятни бой бериб қўйди. Финалгача етиб борган қизимиз Набира Есенбаева ҳам ҳал қилувчи баҳсда хитойлик рақибига имкониятни бой бериб қўйди ва қитъа чемпионатининг кумуш медали билан кифояланди.

Олтин медаль учун:

-59кг: Набира Есенбаева - Нингнинг Ронг (Хитой) 0:10

Бронза медали учун:

-50кг: Актенге Кеунимжаева - Нарангерел Едренесух (Мўғулистон) 2:8

-55кг: Амина Алимбетова - Ланнуан Луо (Хитой) 0:10

Бугун аёллар курашида яна беш нафар спортчимиз ўз имкониятини синовдан ўтказади. Эртадан эса Осиё чемпионатида эркин кураш бўйича баҳсларга старт берилади.