18 сен 07:28
Янгиликлар

Теннис

Азаренко Australian Open ғолибасига битта ҳам гейм бермади

Италия пойтахти Рим шаҳрида теннис бўйича WTA турнири давом этмоқда.

WTA рейтингида 14-поғонадан жой олиб турган беларуслик Виктория Азаренко сайёрамизнинг бешинчи рақамли теннис маликаси, амалдаги Australian Open мусобақаси ғолибаси, америкалик 21 ёшли София Кенинга ҳеч қандай имконият қолдирмади - 6/0, 6/0.

Учрашув 1 соату 1 дақиқа давом этган. Ушбу ғалабаси эвазига 31 ёшли Виктория ўзаро учрашувлардаги ҳисоб мувозанатини тиклади - 1:1. Энди Азаренко Internazionali BNL d'Italia турнирининг 1/8 финалида россиялик Дарья Касаткинага қарши кортга чиқади.