Ига Cвёнтек фаолиятидаги 300-ғалабасига эришди

Дунёнинг саккизинчи ракеткаси бўлиб турган Ига Свёнтек иккинчи даврада WTA рейтингида 105-поғонадан жой олган беларуслик собиқ биринчи ракетка Виктория Азаренкони икки сетда ҳам бир хил ҳисобда мағлубиятга учратди - 6/4, 6/4.

Польшалик теннис маликаси ўзаро учрашувлар ҳисобида катта фарқ билан олдинда бормоқда - 5:1. Тўқсон етти дақиқа давом этган баҳсда иккала теннисчи ҳам 6 тадан эйс зарбасини амалга оширган. 

Эътиборлиси, бу Ига Свёнтек учун WTA турнирларидаги юбилей 300-ғалабаси бўлди. Энди у 1/4 финалда россиялик Екатерина Александрова ёки грециялик Мария Саккари учрашуви ғолибига қарши кортга чиқади.