22 дек 10:29
Янгиликлар
Бошқалар
Азиз Абдуҳакимов: "Спорт ва сиёсатни бир-бирига аралаштириш нотўғри"
Туризм ва спорт вазири Азиз Абдуҳакимов Хитойда ўтадиган қишки олимпиада ўйинларини дунёнинг айрим давлатлари сиёсий сабаблар билан бойкот қилаётгани ҳақида гапирди.
"Ўйлашимча, спорт ва сиёсатни бир-бирига аралаштириш нотўғри. Ўзингиз ўйлаб кўринг, спортчилар бутун ҳаётини спортга бағишлайди. Улар ижодкорлар, журналистларга ўхшаб, ўз касбига фидойилик билан хизмат қилишга ҳаракат қилади. Ўйлаб кўринг, спортчи бутун ҳаётини спортга бағишласа-ю, тўсиқлардан ўтса-ю, кимнингдир сиёсий сабаби билан мусобақада ўз маҳоратини кўрсатолмаса. Ўйлашимча, бу хато. Шунинг учун Ўзбекистон бу турнирда, албатта, иштирок этади.
Ҳозир бизда бу олимпиадага битта лицензия бор, шунингдек, яна бир лицензияни қўлга киритишимиз мумкин", - дея вазирнинг сўзларидан иқтибос келтирмоқда kun.uz нашри.
Ҳавола :
Фикрлар