12 сен 15:33
Янгиликлар

Бокс/ММА

Азизбек Абдуғофуров кетма-кет учинчи мағлубиятини қабул қилиб олди

Кеча, 11 сентябрь куни Татаристонда профессионал бокс оқшоми ташкил этилди.

Ушбу жанг оқшомининг марказий тўқнашувида WBC Silver камарининг собиқ эгаси, ҳамюртимиз Азизбек Абдуғофуров мезбон боксчи Антон Зайцевга қарши рингга кўтарилди.

8 раундга мўлжалланган жанг тўлиқ давом этди ва унда афсуски ҳамюртимиз очколар эвазига имкониятни бой берди.

Жанг WBA Asia камари учун ташкил этилганди.

Афсуски бу мағлубият Абдуғофуров учун фаолиятидаги тўртинчиси бўлди. Бунгача у сўнгги иккита жангида ҳам имкониятни бой берганди.

Унинг проф боксдаги рекорди бугунги кунда 14-4-0, 5 КО ни ташкил этади.