Азизбек Темиров эртанги жанги олдидан тарозидан ўтди ва рақиби билан юзма-юз келди

Аввал хабар берганимиздек, мусобақа доирасида ўзбекистонлик аралаш яккакураш устаси Азизбек Темиров ҳам октагонга кўтарилади. Ҳамюртимиз турнир доирасида бразилиялик Даниэль Араухо билан тўқнаш келади. Жанг 3 раундга мўлжалланган.

Спотчилар бугун вазн ўлчаш маросимидан ўтиб олишди ҳамда face to face тадбирида иштирок этишди. Азизбек иштирокидаги беллашув бизнинг вақт билан тонгги соат 6:00 дан кейин бошланиши кутилмоқда.

Ушбу оқшомнинг марказий жанги қирғизистонлик Уран Сатибалдиев ҳамда Бразилия вакили Леон Соареш ўртасида кечади.

Маълумот учун, Азизбек Темиров фаолияти давомида 5 та жанг ўтказиб, уларнинг барчасида ғалаба қозонган. Араухо ҳисобида эса олтита ғалаба бор.