БАА президенти Марокаш қиролини мамлакат терма жамоаси ЖЧ ярим финалига чиққани билан табриклади

Бу ҳақда "Gulf Today" нашри хабар бермоқда.

Манбага кўра, БАА президенти Муҳаммад билан телефон орқали мулоқоти чоғида араб терма жамоаси учун бу тарихий ютуғи бахтиёрлик муҳитини тарқатгани ва марокашликларнинг йирик турнирларда муносиб иштирок этиш қобилиятини тасдиқлаганини таъкидлаган. У Марокаш терма жамоасининг ўйинини юқори баҳолаб, футболчиларнинг ғалабага эришиш учун кўрсатган катта қатъияти ва улар кўрсатган юксак спорт маҳоратини қайд этди. Ол Наҳаён Марокаш терма жамоасига мусобақа навбатдаги босқичида муваффақиятлар тилади.

10 декабрь куни бўлиб ўтган ЖЧ-2022 чорак финалида Марокаш терма жамоаси Португалияни 1:0 ҳисобида мағлуб этди ва энди 14 декабрь куни жамоа Франция билан учрашади. Ўйин Тошкент вақти билан 23:59 да старт олади.