24 июн 10:59
Янгиликлар

Теннис

Бад-Хомбург (WTA 500). Амалдаги чемпион илк даврадаёқ ютқазди

Германиянинг Бад-Хомбург шаҳрида теннис бўйича майса қопламали WTA 500 тоифасига кирувчи турнирнинг асосий тўр баҳслари бошланди.

Мусобақанинг амалдаги чемпиони Диана Шнайдер кутилмаганда илк даврадаёқ мағлубият аламини тотиб кўрди. Дунёнинг 12-ракеткаси бўлиб турган россиялик теннисчи илк даврада WTA рейтингида 22-ўринни эгаллаб турган хорватиялик Донна Векичга имкониятни бой берди - 3/6, 3/6.

Донна теннисчиларнинг ўзаро учрашувларидаги ҳисоб мувозанатини ҳам тиклаб қўйди - 2:2. Етмиш тўққиз дақиқа давом этган баҳсда Шнайдер 1, Векич 5 та эйс зарбасини амалга оширган. Иккала теннис маликаси ҳам 1 тадан қўшхатога йўл қўйган. Чемпионлик очколарини ҳимоя қила олмаган Шнайдер онлайн рейтингда 15-ўринга тушиб кетди.