11 янв 08:04
Янгиликлар

Бокс/ММА

Баҳодир Жалолов 11-ўринни эгаллаб турган йўналиш камари учун кечган жангда нокаут қайд этилди

Германиянинг Оберхаузен шаҳрида профессионал бокс турнири бўлиб ўтди.

Оқшомнинг асосий жанги супероғир вазн тоифасида WBC вақтинчалик чемпионлик камари учун кечди. Унда ушбу камарнинг амалдаги соҳиби Агит Кабайель даъвогар Дамиан Книбага қарши рингга кўтарилди.

Биринчи раунд Книба фойдасига ҳал бўлди. Кейинги раундларда ташаббусни қўлга олган чемпион Агит Кабайель учинчи уч дақиқаликда рақибини техник нокаутга учратди. Кетма-кет зарбалардан сўнг рефери жангни тўхтатишга қарор қилди. Агит Кабайел вақтинчалик WBC чемпионлик камарини ўзида сақлаб қолди. Унинг проф боксдаги рекорди 27-0!

Маълумот учун, ушбу йўналиш рейтингида чарм қўлқоп устамиз Баҳодир Жалолов 11-ўринни эгаллаб турибди.