05 апр 13:53
Янгиликлар
Бокс/ММА
Баҳодир Жалолов 2025 йилда нечта жанг ўтказмоқчи эканлигини айтди
Икки карра Олимпия чемпиони Баҳодир Жалолов профессионал боксда ҳар бир рақибини нокаутга учрата олмаслигини тан олди.
"Ҳозирча барча рақиблар мен учун бир хил. Ҳа, менда кучли зарба бор, лекин ҳозирча ТОП-10 ичидаги спортчилар билан жанг қилмаганман. Шу боис, жангларда ўзимни эркин тута олардим. Мен яна рингга чиқаман. Кейин эса фаолиятим қандай давом этишини кўрамиз.
Рингга чиққанимда мухлисларни хурсанд қилиш учун рақибларни нокаутга учратиш асосий мақсадим эмас. Чунки олдинда қийин жанглар бор. Ҳар бир рақибни нокаут қилишнинг иложи йўқ.
Аллоҳ билгувчи, бу йил 3-4 та жанг ўтказишим мумкин. 2025 йил нималар бўлади, кўрамиз", – деди Жалолов.
Эслатиб ўтамиз, Баҳодир Жалолов бугун Астанадаги бокс оқшомида украиналик Игор Шевадзуцкийга қарши рингга кўтарилади.
Ҳавола :
Манба : The Ring
Фикрлар