Баҳодир Жалолов 30 ёшга тўлди!

Баҳодир Жалолов - 1994 йил 8 июль куни Сурхондарё вилоятида дунёга келган. 2019 йили Екатеринбург, 2023 йил Тошкентда ўтказилган жаҳон чемпионатларининг олтин медали соҳиби, жаҳон чемпионатининг энг яхши боксчиси. Бир неча карра Осиё ва Ўзбекистон чемпиони, қатор халқаро мусобақалар ғолиби.

"Ўзбекистон ифтихори" фахрий унвони соҳиби профессионал боксда ҳам муваффақиятли одимламоқда. Супероғир вазндаги чарм қўлқоп устамиз ўтказган барча жангларини муддатидан аввал якунлаган. Асосий мақсади - икки карра Олимпиада чемпиони бўлиш!

Сайтимиз ижодкорлари ва ўқувчилари номидан Баҳодир Жалоловни таваллуд куни - 30 ёшга тўлиши муносабати билан муборакбод этамиз. Унга ўзи истаган барча орзу-истакларига эришиши, Париж-2024 Олимпиасида чемпион бўлишини тилаймиз.