Баҳодир Жалолов Камшибек Конкабаев ҳақида фикр билдирди

Бокс бўйича Токио-2020 Олимпиадаси чемпиони, бир қанча халқаро мусобақалар ғолиби, профессионал боксда муваффақиятли одимлаётган ўзбекистонлик чарм қўлқоп устаси Баҳодир Жалолов (12-0) қозоғистонлик Камшибек Конкабаев ҳақида фикр билдирди.

"Биз Камшибек билан яхши муносабатдамиз. У яхши дўст, яхши йигит. Инсон сифатида ҳам яхши. У қозоқ тилида гаплашади, мен ўзбек тилида. Муносабатларимиз соф дўстона", - дея Жалоловнинг сўзларини келтиради sports.kz сайти.

Баҳодир Жалолов ва Камшибек Конкабаев қарама-қаршилиги сўнгги бор 2021 йил 31 майида — Дубай шаҳрида ўтказилган Осиё чемпионати доирасида бўлиб ўтган эди. Ўша жангда ҳамюртимиз ҳакамларнинг якдил қарори билан ғалаба қозонганди.

Бундан ташқари, яқинда якунланган "Странжа" мусобақаси чорак финали доирасида Жалолов - Конкабаев жанги ўтказилиши лозим эди, бироқ Камшибек қўлидан жароҳат олиб, жангда иштирок эта олмаслигини маълум қилди.