Баҳодир Жалолов Конкабаев устидан қозонилган ғалаба ҳақида гапирди

"Мени қўллаб-қувватлаётган барчага раҳмат. Жанг давомида буни ҳис қилиб турдим. Тўғрисини айтсам, жангдан олдин ҳаяжон бор эди. Бу балки мезбон эканлигим учунми, билмадим. Аллоҳга шукр, ғалаба қозондим. 

Олтин медаль қўлга киритишим учун олдинда яна иккита жанг бор. Кейинги жангларда чиройли чиқишлар билан ишончни оқлашга ҳаракат қиламан. 

Қамшибек билан дўстмиз. У мени Қозоғистонга таклиф қилди, ўзи ҳам Ўзбекистонга келди. Бу - спорт. Ким кучли бўлса, ўша ғалаба қозонади. Орамизда адоват йўқ. У ўз ватани, мен ҳам ўз ватанимиз шаънини ҳимоя қиляпмиз. 

Кейинги рақибларим? Энди уларни ўрганишни бошлайман", - деди Жалолов жангдан кейинги интервьюсида.