Баҳодир Жалолов Осиё ўйинларигача яна жанг ўтказишини айтди

"Ҳозирда асосий режамиз сентябрь ойида Хитойнинг Ханчжоу шаҳри мезбонлик қиладиган Осиё ўйинларида муносиб иштирок этиш ва келгуси йили Париж шаҳрида бўлиб ўтадиган Олимпия ўйинларига йўлланмани қўлга киритишдир. Бироқ ундан олдин профессионал рингда жанг ўтказаман. Тез кунларда жанг санаси ва рақиб аниқ бўлади. Бундан кўзланган мақсад ўз имкониятларимни яна бир синовдан ўтказиб олиш ва рейтинг очколаримни яхшилаш", - деди Баҳодир УзАга берган интервьюсида.