13 окт 13:31
Янгиликлар

Бокс/ММА

Баҳодир Жалоловнинг навбатдаги жанг санаси эълон қилинди

Икки карра Олимпиада чемпиони Баҳодир Жалолов навбатдаги жангини қачон ўтказиши аниқ бўлди.

Liftpromotions маълумотига кўра, Жалолов 14 ноябрь куни "Ҳумо Арена"да ўтказиладиган бокс оқшомида рингга кўтарилади. Ҳозирча унинг рақиби ким бўлиши эълон қилинмаган.

Маълумот учун, ўша кунги бокс оқшомида Шаҳрам Ғиёсов ва Лазизбек Мулложонов ҳам рингга кўтарилади.

Эслатиб ўтамиз, Баҳодир Жалолов 6 октябрь куни Санкт-Петербургда россиялик Виталий Кудуховни очколар эвазига мағлуб этганди.