"Барча жангга жиддий қараш лозим". Тўлқин Қиличев Баҳодир Жалоловнинг навбатдаги жанги анонсига муносабат билдирди

Ушбу жанг юзасидан Баҳодир Жалоловнинг мураббийи Тўлқин Қиличевнинг фикрлари билан қизиқдик. 

"Бу биз учун керакли жанг. Ҳозир бизга қаерда ва кимга қарши бўлишидан қатъи назар - жанг муҳим. 

Россиядаги ҳар бир жанг мураккаб ўтади. Чунки, яхши биласиз - Россияда дунёдаги кучли бокс мактабларидан бири бор. 

Бокс ривожланган давлатларда ўтказилган ҳар бир жанг кучли жанг бўлади. Ҳар бир рақибнинг ўзига яраша кучли жиҳати бўлади. Шунинг учун, ҳар бир рақибга тўғри тайёргарлик кўриш керак бўлади. Барча жангга жиддий қараш лозим. 

Ўйлайманки, Баҳодир бунинг уддасидан чиқади ва чиройли жанг ўтказади", - деди Тўлқин Қиличев olamsport.com сайти муҳбири Азиз Тўхтамуродов билан суҳбатда.