29 авг 08:30
Янгиликлар

Футбол

"Барса" Умтитидан воз кечди. Ҳимоячига даъвогарлар йўқ

"Барселона" раҳбарияти Самюэль Умтити билан хайрлашмоқчи, деб хабар берди Mundo Deportivo.

26 ёшли футболчи "кўк-анорранглилар"нинг янги устози Роналд Куманнинг режалари доирасига кирмайди. Каталон клуби франциялик ҳимоячини сотиш ёки ижарага бериб юбориш вариантини кўриб чиқяпти. Аммо ҳозир Умтити борасида аниқ таклифлар олинмаган.

Маълумот учун, Самюэль Умтити "Барселона" таркибига 2016 йилда "Лион"дан келиб қўшилганди. У Ла Лиганинг ўтган мавсумида 27 учрашув ўтказди.