"Барселона" афсонаси "Челси" бошқарувини қўлга олиши мумкин

"The Mirror" маълумотларига қараганда, испан футболи афсонаси "кўклар" бош мураббийи лавозими учун номзодлар қаторида.

"Барселона"дан кетганидан бери клубсиз юрган Хави Лондон клуби томонидан ҳужумкор услубни қўлловчи ва узоқ муддатли ривожланиш стратегиясини тузишга қодир мураббий сифатида қаралади.

Хавининг яқинда "The Athletic" нашрига берган интервьюсида Англия Премьер-лигасида ишлаш унинг устувор вазифаси эканлигини тасдиқлаганди.

"Мен шошилмаяпман, лекин жамоа тузиш учун тахминан 4 йил вақт берадиган яхши лойиҳа устида ишлашни истайман", – деганди у.

Эслатиб ўтамиз, 46 ёшли Хави 2021 йилдан 2024 йилгача "Барселона"га бош мураббий бўлган. Жамоа унинг бошқарувида 2022/23 йилги мавсум Испания чемпионлигини қўлга киритган эди.