"Барселона" бошқарувига ким келади?

"Tiempo de Juego" нашри "Барселона" мураббийи Кике Сетьен истеъфога чиқарилганини маълум қилди. 15 август тонгида клуб президенти келаси ҳафта янги бош мураббий тайинланишини тасдиқлаган эди.

Энди клубга янги мутахассисни жалб қилиш масаласи асосий планга чиқади. Олдинроқ жамоа етакчиси Лео Месси Почеттино номзодини маъқуллаши тўғрисида хабарлар тарқалди. Аммо аргентиналик мутахассис фақат 3 йиллик шартномага имзо чекмоқчи. "Кўк-анорранглилар" эса клубда раҳбарият алмашинуви содир бўлиши мумкинлиги туфайли "1+1" шаклидаги битимга рози бўладиган мураббий қидиряпти. Айрим манбалар Тьери Анри, Аллегри ёки Роналд Куман клубда иш бошлаши тўғрисида ёзяпти. 

"Mundo Deportivo" Рональд Куман "Барса"да иш бошлаш учун ҳатто Нидерландия терма жамоасидан кетишга тайёрлигини маълум қилди. 

Шунингдек, сўнгги соатларда Месси жамоани тарк этишини тасдиқловчи ва рад этувчи янгиликлар ҳам чиқди.