"Барселона" Луис Суаресни шартномаси якунига қадар майдонга туширмасликка тайёр

33 ёшли уругвайлик ҳужумчи шартнома бўйича каталонияликлар раҳбарияти билан келиша олмади, шу сабаб у бутун мавсумни трибуналарда футбол кузатиб ўтказиши мумкин.

Агар Суарес ва "Барселона" келишувга эришишмаса, клуб уни битим сўнггига қадар майдонга туширмаслиги мумкин, аммо бу борада сўнгги сўзни Куман айтади. Шунингдек унга шартномаси бўйича тўлиқ маош тўланади.

Маълумот учун, Луис Суарес 2014 йилдан бери "Барселона"да ўйнайди. У 2019/20 йилги мавсум клуб миқёсидаги барча мусобақаларда 36 та ўйинда майдонга тушиб, 21 та гол ва 10 та ассист қайд этди.