"Барселона" "Манчестер Сити"нинг жиддий муаммоларидан фойдаланиб қолмоқчи

Бир неча кун олдин "Манчестер Сити"га қарши айбловлар ҳақида маълумот пайдо бўлганди. Гўё "Шаҳарликлар" 2009-2018 йилларда бир қанча молиявий қонунбузарликларга йўл қўйган.

Айбловлар тасдиқланса, инглиз жамоаси қаттиқ жазоланади. ОАВ очколар олиб ташланиши, чемпионлик унвонларини йўқотилиши ёки ҳатто жамоа АПЛдан четлатилиши мумкинлиги ҳақида бонг урди.

"Барселона" вазиятни диққат билан кузатиб бормоқда. Каталонияликлар "Манчестер Сити"га қўйилган ҳар қандай жазо баъзи муҳим футболчиларнинг кетиш эҳтимолини оширишини билади.

"Mundo Deportivo" хабарига кўра, "Барселона" Бернарду Силва ва Илкай Гюндоганга қизиқиш билдирмоқда. "Кўк-анорранглилар" агар "Манчестер Сити" ўз юлдузларини сотишга мажбур бўлса, икки ярим ҳимоячини ҳам арзон нархда сотиб олишга умид қилмоқда. Каталония клуби бир йил аввал Силвани сотиб олишга ҳаракат қилган, аммо трансфер якунида муваффақиятсизликка учраган эди.