"Барселона"нинг асосий футболчиси фаолиятини Туркияда давом эттириши мумкин

33 ёшли немисга "Галатасарой" жиддий қизиқиш билдирмоқда. Туркия клуби футболчига илк таклифни юборишга ҳам улгурган.

Илкай Гюндоган ўтган йилнинг ёзида "Манчестер Сити"дан "Барселона" сафига келиб қўшилганди. У жорий мавсум барча мусобақаларда 43 та учрашувда майдонга тушди. Унинг ҳисобида 5 та гол ва 10 та голли узатма бор.