08 июн 21:04
Янгиликлар

Теннис

Барти “Ролан Гаррос” ғолибаси ва 2 млн 200 000 € соҳибаси!

Франция пойтахти Париж шаҳрида ўтказилаётган “Катта Дубулға” туркумига кирувчи “Ролан Гаррос” турнирининг аёллар ўртасидаги мусобақа ғолибаси аниқланди.

Ҳал қилувчи финал учрашувида дунёнинг саккизинчи ракеткаси Эшли Барти рейтингнинг 38-поғонасидан жой олган чехиялик Маркета Вондроушовага қарши кортга чиқди. Бир соату 11 дақиқа давом этган учрашувда австралиялик 23 ёшли Барти 19 ёшли рақибасини 6/1, 6/3 ҳисобида таслим этди.

Икки теннисчи ўртасидаги ўзаро учрашувлар ҳисоби янада йириклашди - 3:0. Барти илк бор “Катта Дубулға” турнирида бош соврин соҳибасига айланди. Эшли бешинчи WTA турнирида чемпион бўлди.

“Ролан Гаррос”даги муваффақиятли иштирок Бартига 2000 рейтинг очкоси ҳамда 2 миллион 300 000 евро мукофот пулини тақдим этди. Вондроушова эса 1300 очко ва 1 миллион 180 000 еврога эга бўлди.