"Башара "бузилган", лекин "дух" синмаган". Херманссон кечаги жангдан кейинги юзини кўрсатди + ФОТО

UFC Fight Night (on ESPN 19) оқшомининг марказий жангида октагонга кўтарилган ўрта вазн иштирокчиларининг жанги тўлиқ беш раунд давом этган ва якунда 27 ёшли Веттори 32 яшар Херманссонни 49:46, 49:46, 49:45 ҳисобларида мағлубиятга учратганди. 

Шифохонада ётган Херманссон ўзининг "Инстаграм"даги саҳифасига 25 дақиқалик жангдан юзида қолган асоратларини кўрсатди. У ўз саҳифасига сурат жойлаб, тагида изоҳ ҳам қолдирган.  

"Оёғимнинг бармоғи синган, Кўз соққаси ҳам шикастланган. Лекин руҳим синмаган. Мақсад ўзгаришсиз қолди. Қўллаб турганингиз учун раҳмат", – дея суратга изоҳ берган швециялик жангчи.

Маълумот учун, Марвин Веттори ММАда 18 та жанг ўтказган бўлиб, уларнинг 14 тасида ғалаба қозонган. Ҳисобида 4 та мағлубият бор. Херманссон учун эса кечаги жанг фаолиятидаги 27-чиси бўлди. У 22 та жанг ғалаба қозониб, 5 та жангда мағлубият аламини тотиб кўрган.