06 июл 18:13
Янгиликлар

Бокс/ММА

"Башарасини бежаб қўярдим". Иан Гарри Камару Усман ҳақида

Яримўрта вазн тоифаси UFC рейтингида олтинчи ўринни эгаллаб турган Иан Гарри собиқ чемпион Камару Усман ҳақида кескин фикр билдирди.

Ирландиялик аралаш яккакураш устаси агар уларнинг жанги амалга ошса, нигериялик номдор рақибини аниқ мағлуб этишига ишонишини айтди.

"Мен Камарунинг башарасини бежаб, бузиб қўярдим. У мендан на курашда, на грэпплингда ва на чидамлиликда устун. Бу йигитча менга ҳеч нарса қила олмайди. Уни аввалига роса дўппослайман, кейин эса нокаут қиламан. Бор гап шу", — дея The Ariel Helwani Show кўрсатувининг жонли эфирида Камару Усман ҳақида гапирган Гарри.

Эслатиб ўтамиз, Иан 27 апрель куни UFC on ESPN 66 турнирида бразилиялик Карлос Пратесни очколар ҳисобига кўра мағлубиятга учратганди. Камару эса даъвогарлар жангида америкалик Хоакин Баклидан устун келганди.