Бахшиллоев финалда, Баҳромов ва Шамсиддинов бронза учун курашади

Ҳамюртларимиздан Маҳмуд Бахшиллоев финал йўлланмасини қўлга киритди ва кечки дастурда Осиё чемпионлиги учун гиламга чиқади. Унинг олтин медаль учун баҳсдаги рақиби корелия Хан Су Рёо бўлади. Бахшиллоев финалга қадар суриялик Абдулкарим ал Ҳасан ҳамда ҳиндистонлик Ашу Ашуни мағлубиятга учратди. 

Афсуски, Исломжон Баҳромов (-60 кг) 1/2 финал беллашувида япониялик Кеничиро Фумитага ютқазиб қўйди. Энди Баҳромов бронза медали учун кечадиган учрашувда ҳиндистонлик Гянендер Гянендерга қарши гиламга чиқади. 

-97 кг вазндаги полвонимиз Муҳаммадали Шамсиддинов ҳам бронза медали учун курашади. Унинг рақиби таиландлик Понлават Сиаммай бўлади. -82 кг вазн тоифасида юртимиз шарафини ҳимоя қилаётган Жалгасбай Бердимуратов эса бироздан сўнг ярим финал учрашувида кореялик Чой Жун Кёнг билан ҳисоб-китоб қилади.