Бектемир билан жанг қиладиган Ковалёвга айблов қўйилди

Гап шундаки, россиялик 37 ёшли боксчи ўтган якшанба куни DAZN платформасида эфирга узатилган Сауль Альварес - Каллум Смит чемпионлик жангининг пуллик трансляциясини ўзининг Инстаграм каналига улаб қўйган. Бу эса қонунга хилоф иш. 

Ноқонуний трансляцияни Сергейнинг Инстаграм саҳифасида 2500 нафардан зиёд обуначи томоша қилган. Бу билан Ковалёв DAZN платформасига молиявий зарар етказган. Ушбу зарар 50 000 доллардан 250 000 долларгача баҳоланмоқда. 

Сергей Ковалёв бу каби "ишкал"ларга биринчи маротаба дуч келмаяпти. 2018 йилда нотаниш аёв ва унинг итига ташлангани учун уч йил муддат олган эди. Ўтган йили самолётда бегона аёлга тегижонлик қилганди. Шу йилнинг февралида Лос-Анжелес полицияси томонидан маст ҳолда автомобиль бошқарани учун хибсга олинганди. 

Эслатиб ўтамиз, 37 ёшли Сергей Ковалёв сўнгги жангини 2019 йилнинг ноябрь ойида Сауль "Канело" Альваресга қарши ўтказиб, 11-раундда нокаутга учраган эди. Энди уни январь ойида ҳамюртимиз Бектемир Мелиқўзиевга қарши жанг кутиб турибди.