Бектемир Мелиқўзиев жангдан кейин нималар деди?

Cуперўрта вазн тоифасидаги чарм қўлқоп устамиз ганалик Сена Агбекони еттинчи раундда техник нокаутга учратди ва ўзига тегишли WBA қитъалараро чемпионлик камарини ҳимоя қилди. 

"Бу жангга худди аввалгиларида бўлгани сингари жиддий тайёргарлик кўргандим. Афсуски, биринчи раунддаги кутилмаган жароҳат бироз панд бериб қолди. Рақибим бош билан зарба бериб юборди ва натижада қошим ёрилди. Шунга қарамай, ўзим учун муҳим ғалабани қўлга кирита олдим ва бундан жуда хурсандман. Мени қўллаб-қувватлаш учун келганлар, телевизор қаршисида жангимни томоша қилган барчага раҳмат айтмоқчиман. Кетма-кет иккита жангда ғалаба қозондим. Мақсадим - жаҳон чемпионлик камари! Ўйлайманки, тез орада биргаликда бу камарни Ўзбекистонга олиб кетамиз. Мен чемпионлик жангига тайёрман", - деди Мелиқўзиев.