Бектемир Мелиқўзиев WBA чемпионлик камари учун мажбурий даъвогарга айланди

Гап шундаки, ушбу вазнда мексикалик 26 ёшли Хосе Армандо Ресендис (16-2, 11 КО) WBA чемпионлик камарининг тўлақонли эгасига айланди. Ресендис 2025 йилнинг май ойида Калеб Плантни мағлуб этиб, вақтинчалик WBA чемпионлик камарини қўлга киритган эди. Теренс Кроуфорднинг фаолиятини якунлаши Ресендисни автоматик тарзда ушбу чемпионлик камарининг тўлақонли эгаси бўлди. 

Бунинг натижасида Бектемир Мелиқўзиев (16-1, 10 КО) рейтингда биринчи ўринга кўтарилиб олди. Чарм қўлқоп устамиз энди Хосе Армандо Ресендиснинг чемпионлик камарига расмий ва мажбурий даъвогар.  

The Ring берган хабарга кўра, мексикалик чемпионнинг режалари бироз бошқача. У Эдгар Берланга (23-2, 18 КО) билан музокара бошлади. Айни пайтда Мелиқўзиев Калифорния штатининг Индио шаҳрида мексикалик Жоэль Диас қўл остида машғулотларини давом эттирмоқда. 29 ёшли Бектемир сўнгги жангини 2025 йилнинг май ойида Дариус Фулгхэмга қарши ўтказиб, очколар ҳисобига кўра ғалаба қозонганди.