Бектемирнинг бўлажак рақиби Росадо ҳақида билишингиз керак бўлган 5 та факт

1. Америкалик Габриэль Росадо фаолияти давомида 40 та жанг ўтказган ва шулардан фақат биттасини Америкадан ташқарида ўтказган. Росадо британиялик Мартин Муррайга қарши Буюк Британиянинг Ливерпуль шаҳрида рингга кўтарилиб рақибга имкониятни бой берган.

2. Росадо 2013 йилда ГГГ - Геннадий Головкин билан, 2014 йилда Жермелл Чарло билан жанг қилиб ҳар икки боксчига ҳам мағлуб бўлган.

3. 2015 йилда Лос-Анжелесга кўчиб ўтганидан сўнг Сильвестер Сталлоне ҳамда Майкл Жордан билан биргаликда "Крид. Роккининг мероси", "Крид" фильмларида суратга тушган. Томошабинлар томонидан илиқ кутиб олинган мазкур фильмда Лео "The Lion" Спорино ролини ижро қилган. Ундан ташқари "Золушка одам", "Миллион долларлик болакай", "Ғазабланган буқа” фильмларида ҳам ажойиб ролларда гавдаланган.

4. 35 ёшли Габриэльнинг турмуш ўртоғи кимлиги маълум эмас. Лекин унинг 5 ёшли Валентина исмли қизалоғи бор.

5. Росадони Инстаграмда 230 мингдан зиёд кузатувчиси бор. Мелиқўзиевнинг эса 243 мингдан ортиқ тармоқ фойдаланувчиси кузатади.

Мелиқўзиев ва Росадо жанги бизнинг вақт билан 19 июндан 20 июнга ўтар кечасида бўлиб ўтади. Тўқнашув Мунгия - Шермета андеркардида WBA Continental Americas ва WBO International камарлари учун бўлади. Жанг давомийлиги 12 раунд қилиб белгиланган.

Сарвиноз Рахмонқулова тайёрлади